1.
Clēmēms:
2.
Grumiō:
ad amphitheātrum contendō. Āfer fautōrēs exspectat.
Clēmēns:
num tū Āfrō favēs? Caecilius holcōniō favet.
Grumiō:
Āfer fautōribus quīnque dēnāriōs prōmīsit. Holcōnius fautōribus duōs dēnāriōs tantum prōmīsit. ego Āfrō faveō, quod vir līberālis est.
3.
Clēmēns:
sed tū servus es. cīvis Pompēiānus nōn es. Āfer cīvibus Pompēiānīs pecūniam prōmīsit.
Grumiō:
Clēmēns, hodiē nōn sum Grumiō. hodiē sum Lūcius Spurius Pompōniānus!
Clēmēns:
Lūcius Spurius Pompōniānus! mendācissimus coquus es!
4.
Grumiō:
minime! hodie sum pistor Pompōniānus. hodiē nōs pistōrēs ad amphitheātrum convenīmus. nōs Āfrum ad forum dūcimus, ubi cīvēs ōrātiōnēs exspectant. ego ad amphitheātrum contendō. tū mēcum venīs?
Clēmēns:
tēcum veniō. Āfrō nōn faveō. dēnāriōs nōn cupiō, sed dē tē sollicitus sum, rem perīculōsam suscipis.
5.
dīvīsor:
festīnāte! festīnāte! nōs Āfrum exspectāmus.
Grumiō:
salvē, dīvīsor! ego sum Lūcius Spurius Pompōniānus et hic (Ġrumiō Clēmentem pulsat ) servus meus est. ego et Āfer amīcissimī sumus.
dīvīsor:
ecce quīnque dēnāriī! (dīvīsor Grumiōnī dēnāriōs dat. Grumiōnī fūstem quoque trādit )
6.
Grumiō:
Āfer mihi dēnāriōs, nōn fūstem prōmīsit.
Clēmēns:
Āfer vir līberālis est.
Grumiō:
tacē, pessime serve!
dīvīsor:
fūstēs ūtilissimī sunt. Holcōnuis et amīcī sunt in forō.
7.
pistor prīmus:
Pompēiānī Āfrō favent.
pistor secundus:
Āfer est melior quam Holcōnius.
pistor tertius:
nōs Āfrō crēdimus.
8.
Clēmēns:
Grumio! in forō sunt Holcōnius et amīcī.
Grumio:
euge! fēminās videō, ancillās videō, puellās...ēheu! Caecilium videō! Caecilius cum Holcōniō stat! ad vīllam reveniō!
Clēmēns:
Grumiō, manē!Grumiō fūgit. )
9.
mercātor prīmus:
Holcōnius est vir nōbilis.
mercātor secundus:
Holcōnius melior est quam Āfer.
mercātor tertius:
nōs mercātōrēs Holcōniō favēmus.