| 1. |
postquam rētiāriī ex arēnā discessērunt, tuba iterum sonuit. subitōmultī cervī arēnam intrāvērunt. cervī per tōtam arēnam currēbant, quod perterritī erant. tum canēs ferōcēs per portam intrāvērunt. canēs statim cervōs perterritōs agitāvērunt et interfēcērunt. |
|
| 2. |
postquam canēs cervōs superāvērunt, lupī arēnam intrāvērunt. lupī, quod esuriēbant, canēs ferōciter petīvērunt. canēs erant fortissimī, sed lupī canēs facile superāvērunt. |
|
| 3. |
Nūcerīnī erant laetissimī et Rēgulum laudābant. Pompēiānī tamen nōn erant contentī, sed clāmābant, "ubi sunt leōnēs? cūr Rēgulus leōnēs retinet?" |
|
| 4. |
Rēgulus, postquam hunc clāmōrem audīvit, signum dedit. statim trēs leōnēs per portam ruērunt. tuba iterum sonuit. bēstiāriī arēnam audācissimē intrāvērunt. leōnēs tamen bēstiāriōs nōn petīvērunt. leōnēs recubuērunt et obdormivērunt! |
|
| 5. |
tum Pompēiānī erant īrātissimī, quod Rēgulus spectāculum rīdicululm ēdēbat. Pompēiānī Rēgulum et Nūcerīnōs ex amphitheātrō agitāvērunt. Nūcerīnī per viās fugiēbant, quod valdē timēbant. |
|
| 6. |
Pompēiānī tamen gladiōs suōs dēstrīnxērunt et multōs Nūcerīnōs interfēcērunt. ecce! sanguis nōn in arēna sed per viās fluēbat |
|